நதியில் விழுந்த இலை

Saturday, February 16, 2019

பிரிந்தே கிடக்கும்

எதிரெதிர் துருவங்களான

கிழக்கையும் மேற்கையும்

மிக அமைதியாக

கைகோர்த்து பிணைத்தே

வைத்திருக்கின்றன

வடக்கும் தெற்கும்

காலங்காலமாக...

அலுவல் நிமித்தமாக
அலைந்து திரியும் என்னை -
பல நாட்களாய்
சட்டை செய்யப்படாத
எனது அலமாரிப் பபுத்தகங்கள்
வாசிக்கின்றன
மிக உன்னிப்பாக.

பிரபஞ்ச அமைதி...
மூன்றாம் உலகப் போரில்
கடைசியாய் வெடித்த அணுகுண்டு.

என்

இயலாமை, ஆற்றாமையின் மீது

கல்லெறியாதீர்கள்.

எளியன மீது

நீங்கள் கட்டவிழ்க்கும் வன்முறை

ஒருபோதும் உங்களை

பெருமைக் கொள்ள வைக்கப்போவதில்லை.

நீயும் நானும்

ஒன்றாக கரம் சேர்த்து

தாங்கிய மழைத்துளிகளின்

பிராத்தனையால்

கருத்தரித்தது

மற்றுமொரு மேகம்!!!