காதல் > புரிதல்

உன் புரிதலுக்குள் 

அடங்காது என் 

காதல்.

திசைகள்

பிரிந்தே கிடக்கும் 

எதிரெதிர் துருவங்களான 

கிழக்கையும் மேற்கையும் 

மிக அமைதியாக 

கைகோர்த்து பிணைத்தே 

வைத்திருக்கின்றன 

வடக்கும் தெற்கும் 

காலங்காலமாக...

கருத்தரிக்கும் காதல் மேகம்

நீயும் நானும் 

ஒன்றாக கரம் சேர்த்து 

தாங்கிய மழைத்துளிகளின் 

பிராத்தனையால் 

கருத்தரித்தது 

மற்றுமொரு மேகம்!!!

கனாக்காதலி

 

தலைக் கோதி
உறங்கச் சொல்கிறாய்.
ஆனால்-
நான் உறங்கும்
முன்னே
என் கனவில்
நுழைந்துவிடுகிறாய்.

 

பூவிதழ்

உன் இதழ்களின் மீது 

வட்டமிடும் சிறு 

வண்ணத்துப்பூச்சி 

என் இதழ்.

காதல் பெருமழை

நீ குடை
கொண்டுவருவாய் என நானும்
நான் குடை
கொண்டுவருவேன் என நீயும்
இறுதி வரையில்
நனைந்தே திளைக்கிறோம்
இப்பெருமழையில்.

முத்தம் - வெட்கம்

முத்தம் நான்.

வெட்கம் நீ!!

காத்திருக்கும் கொலு பொம்மைகள்

நீ கொலு 

பார்க்க வரும் 

அழகைக் காணவே 

வீட்டில் அடுக்கப்பட்டிருக்கின்றன 

பொம்மைகள்.

காதல் மழை

மழை வருகிறது

ஒதுங்கிவிடலாம் என்கிறாய்.

குடை இருக்கிறது 

சேர்ந்துவிடலாம் என்கிறேன்.

தேவதையின் தரிசனம்

நீ எப்போதாவது 

தேரடியில் நடந்துவரும் 

அழகைக் காணவே 

எப்போதும் காத்திருக்கின்றன 

கோபுரத்து பாவைகள்!!!

கவிஞனின் வெட்கம்

கவிதை என்னவோ 

உன்னைப் பற்றியதுதான்.

ஆனால்-

கன்னம் சிவந்ததோ 

எனக்கு!!!

நீ+நான் = காதல்

என் கோடையின்
முதல் மழைத்துளி நீ!
உன் இலையுதிரின்
கடைசி இலை நான்!

ஆண்களின் வாழ்க்கை

யாரோ...தோழி...காதலி...மனைவி
யாரோ...காதலி...தோழி...யாரோ
யாரோ...யாரோ...யாரோ...யாரோ
அவ்வளவுதான் ஆண்களின் வாழ்க்கை.
 

 

காத்திருக்கிறேன் உன் ஒற்றை அழைப்புக்கு

உன்னிடம் கோபம் கொள்ள

எத்தனை நியாயமான காரணங்கள் இருந்தும் 

என்னால் அத்தனை சுலபமாக 

கோபிக்க முடியவில்லை.

நினைத்துக் கொள்கிறேன் - 

உனக்கு அனுப்பப்படாத 

என் கடிதங்களைப் போலதான் 

என்னை நீ 

அழைக்காததும், சந்திக்காததும்!

சொர்க்கத்தின் நிழல்

காதலென்பது

பூமியின் மீது விழும்

சொர்க்கத்தின் நிழல். 

காதல் கைதி

காதலென்பது சிறையெனில் 

அதில் நானொரு 

ஆயுள் கைதி!

காதல் குமிழிகள்

உன்னிடம் 

சேர்ப்பிக்க முடியாத

கடிதங்கள் -

எப்போதுமே

உடையாத

ஞாபகக் குமிழிகள்.

உன்னை ஏன் காதலிக்கிறேன் ?

என்னை ஏன் காதலிக்கிறாய் 

எனக் கேட்கிறாய்.

உன்னைக் காதலிக்காமல் 

இருந்தால்தான் அதிசயம் என்கிறேன்.

காதல் மொழி

பேச ஆரம்பித்த 

குழந்தை 

இன்னும் சைகை கொண்டு 

விளக்குவது போலதான்  

காதல்சொன்ன பின்பும் 

உன்னை நான் பின்தொடர்தலும்.

காதல் யோகி

என்னை வெறுப்பவர்களையும்

நேசிக்கக் கற்றுக்கொடுத்தது

காதல்தான்!