நதியில் விழுந்த இலை

Friday, June 2, 2017

அலுவல் நிமித்தமாக
அலைந்து திரியும் என்னை -
பல நாட்களாய்
சட்டை செய்யப்படாத
எனது அலமாரிப் பபுத்தகங்கள்
வாசிக்கின்றன
மிக உன்னிப்பாக.

பிரபஞ்ச அமைதி...
மூன்றாம் உலகப் போரில்
கடைசியாய் வெடித்த அணுகுண்டு.

என்

இயலாமை, ஆற்றாமையின் மீது

கல்லெறியாதீர்கள்.

எளியன மீது

நீங்கள் கட்டவிழ்க்கும் வன்முறை

ஒருபோதும் உங்களை

பெருமைக் கொள்ள வைக்கப்போவதில்லை.

நீயும் நானும்

ஒன்றாக கரம் சேர்த்து

தாங்கிய மழைத்துளிகளின்

பிராத்தனையால்

கருத்தரித்தது

மற்றுமொரு மேகம்!!!

தலைக் கோதி
உறங்கச் சொல்கிறாய்.
ஆனால்-
நான் உறங்கும்
முன்னே
என் கனவில்
நுழைந்துவிடுகிறாய்.