ஊரோடு தங்கிவிட்ட சிறுதெய்வங்கள்

பெருந்தெய்வங்களைப் போல 

அத்தனை சாமர்த்தியம் போதவில்லை 

சிறுதெய்வங்களுக்கு -

தன் மக்களோடு 

பெருநகரங்களிலும், அயல்நாடுகளிலும் 

கிளைப் பரப்ப.

 

 

ஆண்களின் வாழ்க்கை

யாரோ...தோழி...காதலி...மனைவி
யாரோ...காதலி...தோழி...யாரோ
யாரோ...யாரோ...யாரோ...யாரோ
அவ்வளவுதான் ஆண்களின் வாழ்க்கை.
 

 

குடும்பத் தலைவி

தினமும் தன் உணவைத் தானே
சமைத்து உண்ணும்
மத்திம வயது பிரமச்சாரி உணர்வான்
அலுவலகம் சென்று வந்து
தன் குடும்பத்துக்கு
முகம் சுளிக்காமல்
சமைத்துப் போடும்
குடும்பத் தலைவியின்
பேரன்பை; பெருமூச்சை.

 

 

 

வானம்

சமுத்திரத்தின் நடுவே 

அவ்வப்போது வந்துபோகும் அலைகள் 

மேகங்கள்.

 

விண்மீன்களின் ரகசியம்

என்னதான் ஆதவன் பிரகாசித்தாலும்
விண்மீன்கள் தெரிவதென்னவோ
நிலவொளியில்தான்.