நிலவின் ரகசியம்

நிலவு மட்டுமே

அறிந்த ரகசியம் - 

அதன் முழுமை என்பது 

பௌர்ணமி மட்டுமன்று 

அமாவாசையும்தான் என்பதை.

காதல் குமிழிகள்

உன்னிடம் 

சேர்ப்பிக்க முடியாத

கடிதங்கள் -

எப்போதுமே

உடையாத

ஞாபகக் குமிழிகள்.

உன்னை ஏன் காதலிக்கிறேன் ?

என்னை ஏன் காதலிக்கிறாய் 

எனக் கேட்கிறாய்.

உன்னைக் காதலிக்காமல் 

இருந்தால்தான் அதிசயம் என்கிறேன்.

உருவாகும் அடிமைத் தலைமுறை

என் தாத்தா ஒரு முதலாளி.

என் அப்பா ஒரு கடை நிலை ஊழியன்.

என்னை அடிமையாக்க முயற்சி செய்கிறார்கள்.

என் மகன் அடிமையாக்கப்படுவான்.

என் பேரன் அடிமையாகவே பிறப்பான்.