நதியில் விழுந்த இலை
Saturday, June 29, 2013
அனுமானம்
அந்திப் பொழுதில்
அலுவல் முடிந்து
வீட்டுக்குச் சென்றுக்கொண்டிருந்தேன்.
ஒரு மர நிழலில்
அவள் அவனிடம் ஏதோ சொல்லி
அழுதுக்கொண்டிருந்தாள்.
என் மனதில்
ஏதேதோக் கதைகள்
கிளைக்கத் தொடங்கின -
அவர்களுக்கு மட்டும்
தெரிந்த அந்த
உண்மைக்கதையைத் தவிர!
Thursday, June 27, 2013
காதலிக்கப்படாதவன்
என்னை நீ
காதலிக்க வேண்டாம் .
அது அவசியமுமன்று.
ஆனால் -
என்னைக் கடக்கும் போது
சக மனிதனை கடக்கும்
பாவனையுடனாவது நடந்து செல்.
Wednesday, June 26, 2013
சிறைப் பறவை
என்னை
ஒரு அறையில் சிறை வையுங்கள்.
அதுகுறித்து எனக்கு எவ்வித கவலையுமில்லை.
ஆனால் -
ஒரு புத்தகத்தையாவது என்னிடம் தந்துவிடுங்கள்.
என் உலகை நானே சிருஷ்டித்துக் கொள்கிறேன்.
Friday, June 21, 2013
வாழ்க்கைச் சுமை
கல் சுமக்கும் சிறுவன்
நடந்து செல்கிறான்
தன் வாழ்க்கையை சுமந்தபடி!
Tuesday, June 18, 2013
காதல் மேகம்
காதல் சொல்லாமல்
உன்னைக் கடந்து
செல்கிறேன் -
மழைப் பொழியா
கார்மேகம் என!
Tuesday, June 11, 2013
கேலிச்சித்திரம்
கைதேர்ந்த
ஓவியர்களைவிடவும்
குழந்தைகள்
எளிதாக
வரைந்துவிடுகிறார்கள்
கேலிச்சித்திரத்தை!
Newer Posts
Older Posts
Home
Subscribe to:
Posts (Atom)